عاجل لمن تسأل عن التعاقد ...

[ساندرا]

سلام ياغالين

التعاقد قالو هذةالسنة انة الغى خلاص حيعينون خريجات ويغطون الاحتياج

لكن بعد الي صار من تلاعب الخريجات اثناء التقديم وارسلهم سير ذاتية مزورة وتم ترشيحهن مبدئيا

ثم انكشفت خططهم .. تورطت الدولة وبدأ العام الدراسي الجديد ولم يباشر أغلب المعلمات الجدد

الذين ترشحو .. فبسبب هذا العطل تم اعادةالتعاقد هذةالسنة وهذا ما وصلني في الايميل فحبيت

اهديه لكم لمن احبت التقديم على التعاقد .... سندورة ...

--------------------------------------------------------------------------------


يتم التعاقد حاليا على نظام الأجر بالساعة عن طريق إدارة شؤون الموظفين بالإدارة بعد أن تم إرسال قوائم مفاضلة محو الأمية من قبل إدارة شؤون المعلمات وذلك للإستفادة مبدئيا من هذه القوائم لحين وصول قوائم المفاضلة من ديوان الخدمة المدنية
هذا للتنويه والعلم مع دعائنا للجميع بالتوفيق

[وليد الغامدي]

وعليكم السلام ورحمة الله وبركاته




المفروض والواجب انهم يتعاملون مع المزورين فقط وما يوقفون الجميع البعض

ماله ذنب أعتقد سبب التزوير نظراً لشروط واللوائح الي تقدمها وازارة التعليم في السباق

الوظيفي مثلاً الاحقية لطالبات الخريجات من قبل ثم الذين يلونهم والمعدلات كذلك ، العالم

تبغى تتوظف وتعتقد انها من خلال التزوير راح يحرجون اللجنة القائمة وراح يكون هنالك غض

الطرف ...



عموماً

نظام التعاقد والمدارس الأهلية هذي مشكلتها مشكلة سوا كان للمعلمات او للمعلمين

جميعهم في خندق واحد كان الله في عونهم ...


لا راتب زي الآوادم ، نهايك عن تعامل بعض المشرفات من الجنسيات العربية بطريقه

استفزازية ...



الله لا يهينك يا استاذتنا ومعلمتنا ساندرا الرائعة ، والله يعطيك ألف عافية على هذا الخبر ...




تحياتي واحترامي لك

[ساندرا]

ابو محمد افهمك اكثر يمكن انت مو فاهم القصة الي صارت هذة السنة

اغلب الخريجات يتمنون التعاقد لان يصير فيه تثبيت كثير ماشاء الله

والي تلاعبو في البيانات هذا لان الدولة هذة العام فتحت التقديم من النت وانت في البيت

ماشي ؟؟ قامو الخريجات وغير الخريجات يدخلون بيانات خاطئة وكاذبة تلاعب بالدولة

وبعضهم والله جالسين في البيوت ما عندهم الا الثانوية قاموا يحطون نسب عالية

وشهادات خبره ودبلومات في بياناتهم ..


قامت الدولة رشحت اسماء المعلمات الجديد بالكومبيوتر حسب الاولوية في الكفائات طبعا

والتي تحمل نقاط اعلى ..


ولما جاء وقت تطابق البيانات والمقابلة الشخصية ظهر ان الكثير ما عندهم اصول للشهايد الي كتبوها

ولا دبلومات ولا كلام فاضي وبعضهم ما جاء وقت المقابلة اصلا لانهن مو خريجات كليات .. وبنات اعرفهم طلع اساميهم في الترشيح وهم طالبات ثانوي

هههههههههه قلت ادب وتلاعب مع الدولة والله


قامت الدولة انفت جميع المرشحات هذول واخذتالي يليهم في حسب الاولوية

وطلع فيهم متلاعبات كذلك

ثم نفتهم واخذت الي يليهم وهكذا بدا العام الدراسي ولسى الدولة ما لقيت المصداقية من المتقدمات

والوظائف جلست فاضية تنتظر معلمتها الصادقة .. قولي متى راح يخلصون


قامت رجعت نظام التعاقد علشان تسد الاحتياج لحد ما تتمكن من التفاهم مع الشعب الفالح
كثير التموية ...


طبعا العام الماصي ما كان هذا النظام موجود كان تروحين باوراقك الي الديوان ومعاك الاصول

ويتم مطابقتها وتقوم الموظفة هي بادخال بياناتك بنفسها

ولما تركو الشعب هو الي يدخل بياناته فكرو السالفة لعبة باصرة




ارجو ان اكون وضحت لك ولغيرك ممن ارد ان يفهم الموضوع الي صار في التعليم هذة السنة


سندوووووووووووووووووووووووورة

[ام مصطفى]

الله المستعان على دراسه ابنائنا فى المدارس وعدم كفايه المدرسين فى المدارس

[شمس الأصيل]

الله يعينا عليهم

كل ما انتظرنا قالوا مو الان والان يلغونها

[ابو هاجر وفهد]

السلام عليكم ورحمة الله وبركاته


يعطيك العافيه